بلال فضل يهاجم الشحات: لماذا لم تتكلم عن كشف العذرية والمحاكمات العسكرية وعماد الكبير .
انتقد الكاتب والسيناريست بلال فضل وصف عبد المنعم الشحات المتحدث باسم الدعوة السلفية ،أدب نجيب محفوظ أنه يدعو للفسق والرذيلة ، وقال في عدة تغريدات على حسابه على تويتر: شيء مؤسف أن يتم الكذب باسم الدين ، الأزهر أجاز طبع رواية أولاد حارتنا في مصر بعد أن كتب لها المفكر الإسلامي د.أحمد كمال أبو المجد مقدمة رائعة لها .
وقال في تغريدة أخرى أتمنى على من يريد معرفة نجيب محفوظ ، وهل حقا يدعو للدعارة والكفر؟ أن يقرأ له ليالي ألف ليلة ورحلة ابن فطومة وميرامار ويوم قتل الزعيم والحرافيش .
وأضاف : فاكرين نفسهم في القرن الحادي والعشرين يقدروا يمنعوا رواية أو يصادروا كتاب .
وتساءل على تويتر: عمركو شفتو الشحات ده ولا اللي زيه بيتكلم عن كشف العذرية بتاع سميرة إبراهيم، ولا عن المحاكمات العسكرية ، ولا عن عماد الكبير فين مواقفهم من كل ده ؟ .
وخاطب الإسلاميين قائلا : ما تفتكروش إن الثورة اللي خرجتكو من الجحور، وخلت ليكو صوت حد من شبابها اللي ضحى بروحه هيسمح لكو تقمعوا حريته، تبقوا بتحلموا، الميادين موجودة .
وأكمل العبوا غيرها مفيش مجتمع في الأرض كلها قدر يفرض رقابة على الفكر والأدب والفن أو يقمعه، لو زعلان من عمل فني أو أدبي قاومه بعمل يواجهه أو بنقده .
وقال بلال ” اللي كان ضباط أمن الدولة مشغلينهم بالريموت ما تستبعدش إن جهات تانية دلوقتي مشغلاهم بالريموت عشان يخوفوا الناس من الديمقراطية ويقسموا البلد.. وأختتم بلال كلامه ” اللي عاملين فيها شيوخ دلوقتي ماشفنالهمش ولو مظاهرة ضد ظلم مبارك وفساده وكانوا شايفين الثورة فتنة فالحين يتشطروا دلوقتي على الكتب والروايات”
ADs
0 التعليقات:
إرسال تعليق