كلمتين وبس : كدة كدة بنموت وبنترمى فى الزبالة، لكن الفرق لما نموت عشان هدف او نموت بدون هدف، لا تخاف من صوت الرصاص الرصاصة التى تقتلك لن تسمع صوتها، كلنا عارفين حل المشكلة ونهاية المعضلة وهى مليونية لمقر وزارة الدفاع ونعلن أعتصام مفتوح إلى أن يرحل مجلس العسكر خارب مصر وحارقها وقاتل شبابها وأطفالها وكاشف ستر بناتها وناهب خيرها.
هتقولى ثورتنا سلمية؟ هقولك وأحنا برضو عايزينها سلمية وعايزين المليونية لوزارة الدفاع تكون سلمية والإعتصام يكون سلمى، هتقولى إنت عايز تخربها وبتثير الفتن؟ هقولك اللى عايز يخربها مش بيقول لكن بيعمل زى ما المجلس بيعمل بظبط حرائق وقتل وسطو مسلح ونهب وسرقة، هتقولى نصبر كام شهر والمجلس يمشى؟ هقولك المجلس مش هيمشى ولا هيرحل لكن هيخلينا أحنا نسيب الدنيا ونرحل وكل يوم يقتل المئات مننا ويشوه فينا وأحنا مقتولين ويطلعنا بلطجية وحرامية، وعايز افكرك مبارك لم ينتحى الإ عند تهديد الثوار بالذهاب الى قصر العروبة مقر الرئاسة، متضحكشى على نفسك وتقولى ميدان التحرير ولا وزارة الداخلية / ميدان التحرير فقد تأثيره وإعتصمنا فيه بالشهور ومفيش حاجة أتحركت / بالنسبة لوزارة الداخلية إتغير منها أكتر من وزير والوضع زى ماهو ، المشكلة مش فى الداخلية المشكلة فى المجلس العسكرى اللى بيدير البلاد بشكل فعلى، انا قولت اللى عندى وجبتلك من الأخر، لو عايز الثورة تنجح وتطهر بلدك بجد يبقى وزارة الدفاع عايز تلف حوالين نفسك وتقنع نفسك انك بتعمل حاجة للثورة ومشترك فيها يبقى روح التحرير قضى يوم حلو وفرج الولاد على الميدان وارجع نام على سريرك وخش فى السهرة على الفيس إنفعل وقول يسقط حكم العسكر.
ADs
اكثر المشاركات شهرة
-
تستعد الكثير من الصفحات على مواقع التواصل الاجتماعى فيس بوك لمليونية الى وزارة الدفاع والاعتصام امامها سلميا كلمتين وبس : كدة كدة بنموت وبن...
0 التعليقات:
إرسال تعليق